Narendra Modi – Ek Rajkiya Jivankatha

રેલી પૂરી થઇ અને પાછા અમે હેલીકોપ્ટરમાં બેઠા.ત્યારે મોદી કેટલાક કાગળો ગોઠવી રહ્યા હતા અને તેમને મોકલાયેલા ઈ-મેઈલ્સના પ્રિન્ટઆઉટ વાંચવામાં મશગૂલ હતા.

મોદીએ કાગળો મને વાંચવા માટે આપ્યા. એક યુક્રેનિયન મહિલાએ તેમને પત્ર લખ્યો હતો.હાલમાં જ તેણીએ એક ભારતીય જોડે લગ્ન કર્યા હતા અને ધીમે ધીમે ભારતને ઓળખી રહી હતી.ગુજરાતમાં મોદીએ જે કામ કર્યું એ બદલ તે મોદીને અભિનંદન આપી રહી હતી.પરંતુ પત્ર નો મુખ્ય આશય તો 2014 ની લોકસભાની ચુંટણી જ હતો. 2005ની વાત કરતા તે કહે છે કે એ વખતે ‘ઓરેન્જ રીવોલ્યુશન’ ચાલતી હતી અને યુક્રેનમાં બદલાવ લાવવાની તેમને તક હતી, પરંતુ બધું સમાપ્ત થઇ ગયું. જો તમને ભારતમાં બદલાવ લાવવાની તક મળે તો તે ગુમાવશો નહિ અને અમને નિરાશ કરશો નહિ. કેમ કે તમારા સિવાય બીજું કોઈ નથી જે આ કામ કરી શકે.

જો 2014ની ચુંટણીમાં મોદી વડાપ્રધાન બનીને 7-રેસકોર્સ પરના ભવ્ય બંગલામાં રહેવા જશે, તો ગુજરાતના વડનગરથી આવેલા પછાત વર્ગના એક ગરીબ છોકરાની લાંબી અને અણધારી સફરનો અંત આવશે!