Matra Vaato Karvathi Vajan Nahi Utare (Gujarati Translation Of Confessions Of A Serial Dieter) - Kalli Purie

કાલી પુરીનો વજનવિરોધી જંગ તો નાનપણથી ચાલતો રહ્યો છે. લડીલડીને, ડાયેટ કરીકરીને આજે એ ખુદને સંતોષ થાય એટલા વજન પર પહોંચી છે. અહીં જે ડાયેટ્સ છે, એ કાલીની જીવનકથનીના પ્રકરણ જેવા છે. બોલીવુડ બીટ્સ પર સૂર્યનમસ્કાર, કઠિન કોકોનટ વૉટરડાયેટ, બુલમિયાની કાળી કથની, જાતે ધડી કાઢેલો શૅમ્પેઇન ડાયેટ પ્લાન... નિખાલસભાવે લખાયેલાં આ પુસ્તકમાં કાલીએ વેઇટગેઇન અને વેઇટલૉસ સાથે સંકળાયેલી તમામ સારી-નરસી બાબતોને આવરી લીધી છે. વાચકને એણે માત્ર શું કરવું જોઈએ, એટલું જ નહીં, પણ કેવી રીતે કરવું જોઈએ, એ કહ્યું છે, કિલો બાય કિલો! વજન ગુમાવીને નવું જીવન મેળવનારની આ કથા છે. એ વાંચીને તમને લાગશે કે તમે પણ આ કરી શકો. શરીરને જળોની જેમ ચોંટી પડેલા પેલા છેલ્લા ત્રણ કિલો ઉતારવાના હોય કે કોઈ સોહામણાં સપનાંને સાકાર કરવા માટે દોટ લગાવવાની હોય, ધારો તો તમે આ બધું જ કરી શકો છો.